Бишкек шаарындагы № 1 А.Каниметов атындагы жалпы орто билим берүү жатак мектебинде 2025-жылдын 15-16-апрелинде ата-энелер үчүн “Улуттук дем – дүйнөлүк бийиктик” уңгужолу билим берүү майданынан башталат” аттуу ата-энелер үчүн ачык эшик күндөрү болуп өттү. Ачык эшикте ата-энелер сабактарга жана ийримдерге катышуу, жатакана, китепкана, ашкана менен таанышуу, предметтик мугалимдер, класс жетекчилер, психолог, соцпедагог менен жолугушуу болду. Келген ата-энелер сурамжылоо барактарын толтуруп, сабактар тууралуу мугалимдерге жылуу пикирлерин айтышып, сунуштарын калтырып кетишти.

Кулинария ийримине катышкан окуучулардын колунан даярдалган шириндиктер менен даам сызып, чай үстүндө жагымдуу баарлашуу өттү.